loader image

upeksha – a poem by Subhadra Kumari Chauhan

is tarah upeksha meree,
kyon karate ho matavaale!
aasha ke kitane ankur,
mainne hain ur mein paale.

vishvaas-vaari se unako,
mainne hai seench badhae.
nirmal nikunj mein man ke,
rahatee hoon sada chhipae.

meree saanson kee loo se
kuchh aanch na unamen aae.
mere antar kee jvaala
unako na kabhee jhulasae.

kitane prayatn se unako,
main hrday-need mein apane
badhate lakh khush hotee thee,
dekha karatee thee sapane.

is bhaanti upeksha meree
karake meree avahela
tumane aasha kee kaliyaan
masaleen khilane kee bela.

549

Add Comment

© 2022 Pothi | All Rights Reserved

Do not copy, Please support by sharing!