loader image

daavat – a poem by Amrita Pritam

raat-kudee ne daavat dee
sitaaron ke chaaval phatakakar
yah deg kisane chadha dee

chaand kee suraahee kaun laaya
chaandanee kee sharaab peekar
aakaash kee aankhen gahara gaeen

dharatee ka dil dhadak raha hai
suna hai aaj tahaniyon ke ghar
phool mehamaan hue hain

aage kya likha hai
aaj in taqadeeron se
kaun poochhane jaega

umr ke kaagaz par
tere ishq ne angootha lagaaya,
hisaab kaun chukaega!

qismat ne ek nagama likha hai
kahate hain koee aaj raat
vahee nagama gaega

kalpavrksh kee chhaanv mein baithakar
kaamadhenu ke chhalake doodh se
kisane aaj tak dohanee bharee!

hava kee aahen kaun sune,
chaloon, aaj mujhe
taqadeer bulaane aayee hai…

Add Comment

By: Amrita Pritam

© 2021 Pothi | All Rights Reserved

Do not copy, Please support by sharing!