loader image

pahachaan – a poem by Amrita Pritam

tum mile
to kaee janm
meree nabz mein dhadake
to meree saanson ne tumhaaree saanson ka ghoont piya
tab mastak mein kaee kaal palat gae

ek gufa hua karatee thee
jahaan main thee aur ek yogee
yogee ne jab baajuon mein lekar
meree saanson ko chhua
tab allaah qasam!
yahee mahak thee jo usake hothon se aayee thee
yah kaisee maaya, kaisee leela
ki shaayad tum hee kabhee vah yogee the
ya vahee yogee hai
jo tumhaaree soorat mein mere paas aaya hai
aur vahee main hoon… aur vahee mahak hai…

Add Comment

By: Amrita Pritam

© 2021 Pothi | All Rights Reserved

Do not copy, Please support by sharing!