loader image

mainne aahuti banakar dekha

main kab kahata hoon jag meree durdhar gati ke anukool bane,
main kab kahata hoon jeevan-maroo nandan-kaanan ka phool bane?
kaanta kathor hai, teekha hai, usamen usakee maryaada hai,
main kab kahata hoon vah ghatakar praantar ka ochha phool bane?

main kab kahata hoon mujhe yuddh mein kaheen na teekhee chot mile?
main kab kahata hoon pyaar karoon to mujhe praapti kee ot mile?
main kab kahata hoon vijay karoon mera ooncha praasaad bane?
ya paatr jagat kee shraddha kee meree dhundhalee-see yaad bane?

path mera rahe prashast sada kyon vikal kare yah chaah mujhe?
netrtv na mera chhin jaave kyon isakee ho paravaah mujhe?
main prastut hoon chaahe meree mittee janapad kee dhool bane
phir us dhoolee ka kan-kan bhee mera gati-rodhak shool bane!

apane jeevan ka ras dekar jisako yatnon se paala hai
kya vah keval avasaad-malin jharate aansoo kee maala hai?
ve rogee honge prem jinhen anubhav-ras ka katu pyaala hai
ve murde honge prem jinhen sammohan kaaree haala hai

mainne vidagdh ho jaan liya, antim rahasy pahachaan liya
mainne aahuti banakar dekha, yah prem yagy kee jvaala hai!
main kahata hoon, main badhata hoon, main nabh kee chotee chadhata hoon
kuchala jaakar bhee dhoolee-sa aandhee-sa aur umadata hoon

mera jeevan lalakaar bane, asaphalata hee asi-dhaar bane
is nirmam ran mein pag-pag ka rukana hee mera vaar bane!
bhav saara tujh par hai svaaha, sab kuchh tapakar angaar bane
teree pukaar-sa durnivaar mera yah neerav pyaar bane…

Add Comment

© 2021 Pothi | All Rights Reserved

Do not copy, Please support by sharing!