loader image

mele kee sair – a poem by Ibne Insha

milake chalenge mele bhaee
jaana nahin akele bhaee

dhele kee paalish mangavao
kata phata joota chamakao

baisikal rassee se baandho
topee par tamaga chipakao

munh ko bas paanee se chupado
saabun ko mat haath lagao

suee nahin to gond to hoga
kurte ke phatane pe na jao

haath se tedhee maang nikaalo
aaeena kyon dekho aao

milake chalenge mele bhaee
jaana nahin akele bhaee!

Add Comment

By: Ibne Insha

© 2023 Pothi | All Rights Reserved

Do not copy, Please support by sharing!