loader image

pagalee ka patr – a letter by Hariaudh

tum kahoge ki chhi:, itanee svaarth-paraayanata! par pyaare, yah svaarth-paraayanata nahin hai, yah sachche hriday ka udgaar hai, phapholon se bhare hriday ka aashvaasan hai, vyathit hriday kee shaanti hai, aakulata bhare praanon ka aahvaan hai, sansaar-vanchita kee karun katha hai, marubhoomi kee mandaakinee hai, aur hai sarvasv tyakta kee chir-tripti. main un paagalon kee baat nahin kahana chaahatee, jo bade-bade vivaad karenge, tarkon kee jhadee laga denge, granth-par-granth likh jaavenge; kintu tattav kee baat aane par kahenge, tum batalae hee nahin ja sakate, tumhaare vishay mein kuchh kaha hee nahin ja sakata. main to pyaare! tumako sab jagah paatee hoon, tumase hansatee-bolatee hoon, tumase apana dukhada kahatee hoon, tum reejhate ho to rijhaatee hoon, roothate ho to manaatee hoon. aaj tumhen patr likhane baithee hoon. tum kahoge, yah paagalapan hee had hai. to kya hua, paagalapan hee sahee, paagal to main huee hoon, apana jee kaise halka karoon, koee bahaana chaahie-

malin hain ya ve hain abhiraam!
bataoon kya main tumako shyaam!

ek din sakhiyon ne jaakar kaha-”aaj raana mahalon mein aayenge.” bahut din baad yah sudha kaanon mein padee, main uchhal padee, phoolee na samaayee. mahal mein pahunchee, phoolon se sej sajaayee, tarah-tarah ke saamaan kiye. kaheen gulaab chhidaka, kaheen phoolon ke guchchhe latakaaye, kaheen paanvade daale, kaheen paanadaan rakha, kaheen itradaan. sakhiyon ne kaha-”yah kya karatee ho, ham sab kisalie hain?” mainne kaha-”tum sab hamaare lie ho, raana ke lie nahin. raana ke lie main hoon, aisa bhaagy kahaan ki main unakee kuchh tahal kar sakoon. ek din raana ke paanv mein kankadee gad gayee. us din jee mein hua tha ki mainne apana kaleja vahaan kyon nahin bichha diya. aaj main aisa avasar na aane doongee.”

gaye tum mujhako kaise bhool!
na bichhudo tum jeevan-sarvasv!
tumheen ho mere lok-lalaam!!
rang saka mujhe ek hee rang!
bhalee ya buree mujhe lo maan!
rama hai rom-rom mein raam!!
garal hovega sudha-samaan!
banegee suman sajaayee sej!
hrday mein umade prem-pravaah!
bataata hai khag-vrnd-kalol!
vaayu-sanchaar praphull-mayank!
saty hai, chit hai, hai aanand!!

pagalee meera

867

Add Comment

© 2022 Pothi | All Rights Reserved

Do not copy, Please support by sharing!