loader image

suno stree – a poem by Anupma Vindhyavasini

suno, stree!
sikha do apane pairon ko
zameen par chalana kyonki
samaaj jaanata hai
striyon ke par katarana

tumhen aabhaas bhee hota hai kabhee
kin-kin zanjeeron mein
jakadee huee ho tum?
ghar se baahar nikal paane
aur kuchhek adhikaar
praapt kar lene ko
tum samajhatee ho
samaanata arjit kar lena?

na jaane kitane maanakon par
moolyaankan kiya jaata hai tumhaara,
tumhaara samoocha svaroop
badal diya jaata hai
tumhaare vivaahoparaant
aur tum
apanee aapatti tak nahin jata paatee?
us samay
tumhaaree saaree shiksha aur samajh
dharee kee dharee rah jaatee hai
aur tum
badal daalatee ho svayan ko,
kabhee apane naam mein parivartan kar,
kabhee apane paridhaan mein parivartan kar,
aur kabhee kuchh vishesh
vivaah-chihn dhaaran kar.
ye saare parivartan
sirf tumhaare lie hee kyon?
kyonn nahin daalata yah samaaj
ek bhee parivartan
purushon ke hisse mein?

kabhee prashn karo,
tumhaare vivaahoparaant
kyon badal deta hai samaaj
tumhaaree pooree duniya aur
purush aazaadee se jeete rahate hain
apane aparivartit jeevan ko?
tum jab bhee koshish karatee ho
apanee puraanee pahachaan
talaashane kee
to yahee samaaj
parampara kee bediyon se
tumhaaree chetana ko baandh deta hai

suno, stree!
tumhen yah samaaj
utanee hee svatantrata dega
jitanee ki aparyaapt ho
pitrsatta kee jaden
hila paane ke lie,
tum padhogee
aur aage badhogee
lekin ek samay mein
dhal jaogee unheen paramparaon mein
jinamen ve striyaan bhee dhaleen
jo tumase kam shikshit theen
aur yadi tumamen
itana saahas
aa hee jae
ki tum virodh jata sako,
to, ‘uddand’ kahega tumhen
samaanata ka pakshadhar yah samaaj.

iseelie
ab peechhe mat hato
aur
‘uddand’ ko bana lo
apana priy shabd…

Add Comment

By: Anupma Vindhyavasini

© 2021 Pothi | All Rights Reserved

Do not copy, Please support by sharing!