loader image

naagaphanee khoobasoorat nahin hai

naagaphanee
khoobasoorat nahin hai,
usakee pattiyaan
gulaab kee pattiyon-see
taraashee huee nahin hain,
usake kaante
gulaab ke kaanton kee tarah
kam nukeele nahin hain,
usake phool
gulaab ke phoolon kee tarah
bahut khoobasoorat nahin hain,
use gulaab kee tarah
saheja nahin jaata,
kyonki naagphanee
khoobasoorat nahin hai…

jab bhee kabhee
registaan kee or se
aayee huee dhoop
kisee chhote-se gamale mein
rop die gae
naagaphanee ke paudhe kee
betarateeb pattiyon par
barasatee hai,
to us dhoop mein
ghul jaata hai
usake kaanton mein ulajha
ek savaal-
‘kya itana zarooree hai
khoobasoorat hona?’

Add Comment

By: Anupma Vindhyavasini

© 2021 Pothi | All Rights Reserved

Do not copy, Please support by sharing!