loader image

main tum logon se door hoon

main tum logon se itana door hoon
tumhaaree preranaon se meree prerana itanee bhinn hai
ki jo tumhaare lie vish hai, mere lie ann hai.

meree asang sthiti mein chalata-phirata saath hai,
akele mein saahachary ka haath hai,
unaka jo tumhaare dvaara garhit hain
kintu ve meree vyaakul aatma mein bimbit hain, puraskrt hain
iseelie, tumhaara mujh par satat aaghaat hai !!
sabake saamane aur akele mein.
( mere rakt-bhare mahaakaavyon ke panne udate hain
tumhaare-hamaare is saare jhamele mein )

asaphalata ka dhool-kachara odhe hoon
isalie ki vah chakkaradaar zeenon par milatee hai
chhal-chhadm dhan kee
kintu main seedhee-saadee pataree-pataree dauda hoon
jeevan kee.
phir bhee main apanee saarthakata se khinn hoon
vish se aprasann hoon
isalie ki jo hai usase behatar chaahie
pooree duniya saaf karan ke lie mehatar chaahie
vah mehatar main ho nahin paata
par , roz koee bheetar chillaata hai
ki koee kaam bura nahin
basharte ki aadamee khara ho
phir bhee main us or apane ko dho nahin paata.
riphrijaretaron, vitaiminon, rediyogremon ke baahar kee
gatiyon kee duniya mein
meree vah bhookhee bachchee muniya hai shoonyon mein
peton kee aanton mein nyoonon kee peeda hai
chhaatee ke koshon mein rahiton kee vreeda hai

shoonyon se ghiree huee peeda hee saty hai
shesh sab avaastav ayathaarth mithya hai bhram hai
saty keval ek jo ki
duhkhon ka kram hai

main kanaphata hoon hetha hoon
shevralet-doj ke neeche main leta hoon
teliya libaas mein puraze sudhaarata hoon
tumhaaree aagyaen dhota hoon.

736

Add Comment

© 2022 Pothi | All Rights Reserved

Do not copy, Please support by sharing!