loader image

khol doon yah aaj ka din

khol doon yah aaj ka din
jise-
meree deharee ke paas koee rakh gaya hai,
ek haldee-range
taaje
door deshee patr-sa.
tharatharaatee roshanee mein,
har sandeshe kee tarah
yah ek bhataka sandesh bhee
anapadha hee rah na jae-
sochata hoon
khol doon.
is samputit din ke sunahale patr-ko
jo dvaar par gumasum pada hai,
khol doon.

par, ek nanha-sa
kilakata prashn aakar
haath mera thaam leta hai,
kaun jaane kya likha ho?
(kaun jaane andhere mein- doosare ka patr mere dvaara koee rakh gaya ho)
kaheen to likha nahin hai
naam mera,
pata mera,
aah! kaise khol doon.

haath,
jisane dvaar khola,
kshitij khole
dishaen kholeen,
na jaane kyon is mahakate
mook, haldee-range, taaje,
kiran-mudrit sandeshe ko
kholane mein kaampata hai.

639

Add Comment

By: Kedarnath Singh

© 2021 Pothi | All Rights Reserved

Do not copy, Please support by sharing!