loader image

toone ye harasingaar hilaakar bura kiya

toone ye harasingaar hilaakar bura kiya
paanvon kee sab jameen ko phoolon se dhank liya

kisase kahen ki chhat kee munderon se gir pade
hamane hee khud patang udaee thee shaukiya

ab sab se poochhata hoon batao to kaun tha
vo badanaseeb shakhs jo meree jagah jiya

munh ko hatheliyon mein chhipaane kee baat hai
hamane kisee angaar ko honthon se chhoo liya

ghar se chale to raah mein aakar thithak gaye
pooree hooee radeef adhoora hai kaafiya

main bhee to apanee baat likhoon apane haath se
mere safe pe chhod do thoda sa haashiya

is dil kee baat kar to sabhee dard mat undel
ab log tokate hai gazal hai ki marasiya

605

Add Comment

By: Dushyant Kumar

© 2023 Pothi | All Rights Reserved

Do not copy, Please support by sharing!