loader image

jab yah deep thake tab aana

jab yah deep thake tab aana.

yah chanchal sapane bhole hai,
drg-jal par paale maine, mrdu
palakon par tole hain;
de saurabh ke pankh inhen sab nayanon mein pahunchaana!

saadhen karuna-ank dhalee hai,
saandhy gagan-see rangamayee par
paavas kee sajala badalee hai;
vidyut ke de charan inhen ur-ur kee raah bataana!

yah udate kshan pulak-bhare hai,
sudhi se surabhit sneh-dhule,
jvaala ke chumban se nikhare hai;
de taaro ke praan inhee se soone shvaas basaana!

yah spandan hai ank-vyatha ke
chir ujjval akshar jeevan kee
bikharee vismrt kshaar-katha ke;
kan ka chal itihaas inheen se likh-likh ajar banaana!

lau ne vartee ko jaana hai
vartee ne yah sneh, sneh ne
raj ka anchal pahachaana hai;
chir bandhan mein baandh inhen dhulane ka var de jaana!

Add Comment

By: Mahadevi Verma

© 2023 Pothi | All Rights Reserved

Do not copy, Please support by sharing!