loader image

pret ka bayaan – a poem by Nagarjun

“o re pret-”
kadakakar bole narak ke maalik yamaraaj
-“sach – sach batala!
kaise mara too?
bhookh se, akaal se?
bukhaar kaalaajaar se?
pechis badahajamee, pleg mahaamaaree se?
kaise mara too, sach-sach batala!”
khad khad khad khad had had had had
kaanpa kuchh haadon ka maanaveey dhaancha
nachaakar lambe chamachon-sa panchagura haath
rookhee-patalee kit-kit aavaaz mein
pret ne javaab diya-

“mahaaraaj!
sach-sach kahoonga
jhooth nahin boloonga
naagarik hain ham svaadheen bhaarat ke
poorniya jila hai, sooba bihaar ke sivaan par
thaana dhamadaaha, bastee rupulee
jaati ka kaayasth
umar kuchh adhik pachapan saal kee
pesha se praimaree skool ka maastar tha
-“kintu bhookh ya kshudha naam ho jisaka
aisee kisee vyaadhi ka pata nahin hamako
saavadhaan mahaaraaj,
naam nahin leejiega
hamaare samaksh phir kabhee bhookh ka!!”

nikal gaya bhaap aaveg ka
tadanantar shaant-stambhit svar mein pret bola-
“jahaan tak mera apana sambandh hai
sunie mahaaraaj,
tanik bhee peer nahin
duhkh nahin, duvidha nahin
saralataapoorvak nikale the praan
sah na sakee aant jab pechish ka hamala..”

sunakar dahaad
svaadheen bhaarateey praimaree skool ke
bhukhamare svaabhimaanee sushikshak pret kee
rah gae niroottar
mahaamahim narkeshvar.

789

Add Comment

© 2022 Pothi | All Rights Reserved

Do not copy, Please support by sharing!