loader image

sachchee baat – a poem by Dhumil

baadiyaan phate hue baanson par phahara rahee hain
aur itihaas ke pannon par
dharm ke lie mare hue logon ke naam
baat sirf itanee hai
snaanaaghaat par jaata hua raasta
deh kee mandee se hokar guzarata hai
aur jahaan ghatit hone ke lie kuchh bhee nahin hai
vaheen ham gavaah kee tarah khade kiye jaate hain
kuchh der apanee oob mein tatasth
aur phir chamatkaar kee vaapasee ke baad
bheed se vaapas le lie jaate hain
vaqt aur logon ke beech
savaal shor ke naapane ka nahin hai
balki us faasale ka hai jo is raftaar mein bhee
surakshit hai
vaise ham samajhate hain ki sachchaee
hamen aksar aparaadh kee seema par
chhod aatee hai
aadaton aur vigyaapanon se dabe hue aadamee ka
sabase amooly kshan sandehon mein
tulata hai
har eemaan ka ek chor daravaaza hota hai
jo sandaas kee bagal mein khulata hai
drshtiyon kee dhaar mein bahatee naitikata ka
kitana bhaddha mazaak hai
ki hamaare cheharon par
aankh ke theek neeche hee naak hai.

756

Add Comment

© 2023 Pothi | All Rights Reserved

Do not copy, Please support by sharing!