loader image

kavita ke bhram mein

kya tum kavita kee taraf ja rahe ho ?
nahin, main deevaar kee taraf
ja raha hoon .
phir tumane apane ghutane aur apanee hatheliyaan
yahaan kyon chhod dee hain ?
kya tumhen chaakuon se dar lagata hai ?

nahin main sahanasheelata ko
saahas nahin kahata .
aur na duharaana hee chaahata hoon
paise bhar jubaan se pichhalee upalabdhiyaan :
apanee bhookh aur ladakiyaan
neend ke sirahaane phailee huee
sher chhaap takie kee boo
nekar mein naade-see padee huee patnee ka pyaar
riston kee tagaar mein oonghatee huee
ek khaas aur ghareloo kism kee thoo
aak !

kavita ke kaan hamesha cheekh se
sate rahate hain !
nahin; ek shabd banane se pahale
main ek soorat banana chaahata hoon
main thodee door aur-aur aage
jaana chaahata hoon

jahaan hava kaalee hai . jeene ka
zokham hai . sapanon ka
vayask lok-tantr hai . aadamee
hone ka svaad hai .

main thoda aur aage jaana chaahata hoon
jahaan jeevan ab bhee tiraskrt hai
sansad kee kaaryavaahee se nikaale gae vaaky kee tarah .

achchha to vida mitr ! vida
jao,
lekin main jaanata hoon ki kal
jab bhaasha kee tangee mein oobate hue
apane shahar mein vaapas aaoge
tum mujhe gaoge jaise akaal mein
khet gae jaate hain
aur abhiyog kee bhaasha ke lie
tatolate phiroge ve chehare
jo kavita ke bhram mein
jeene ke pahale hee
parade ke peechhe
neend mein mar chuke hain.

789

Add Comment

© 2023 Pothi | All Rights Reserved

Do not copy, Please support by sharing!