varsh ka pratham
prthvee ke uthe uroj manju parvat nirupam
kisalayon bandhe,
pik-bhramar-gunj bhar mukhar praan rach rahe sadhe
pranay ke gaan,
sunakar sahasa,
prakhar se prakhar tar hua tapan-yauvan sahasa;
oorjit, bhaasvar
pulakit shat shat vyaakul kar bhar
choomata rasa ko baar baar chumbit dinakar
kshobh se, lobh se, mamata se,
utkantha se, pranay ke nayan kee samata se,
sarvasv daan
dekar, lekar sarvasv priya ka sukrt maan.
daab mein greeshm,
bheeshm se bheeshm badh raha taap,
prasved, kamp,
jyon jyon yug ur mein aur chaap—
aur sukh-jhampah
nishvaas saghan
prthvee kee–bahatee loo: nirjeevan
jad-chetan.
yah saandhy samay,
pralay ka drshy bharata ambar
peetaabh, agnimay, jyon durjay,
nirdhoom, nirabhr, digant prasar,
kar bhasmee bhoot samast vishv ko ek shesh,
ud rahee dhool, neeche adrshy ho raha desh.
main mand-gaman,
gharmaakt, virakt, paarshv-darshan se kheench nayan,
chal raha nadeetat ko karata man mein vichaar—
‘ho gaya vyarth jeevan,
main ran mein gaya haar!’
socha na kabhee—
apane bhavishy kee rachana par chal rahe sabhee.’
–is tarah bahut kuchh.
aaya nij ichchhit sthal par
baitha ekaant dekhakar
marmaahat svar bhar!
phir laga sochane yathaasootr—’main bhee hota
yadi raajaputr—main kyon na sada kalank dhota,
ye hote—jitane vidyaadhar—mere anuchar,
mere prasaad ke liye vinat-sir udyat-kar;
main deta kuchh, rakh adhik, kintu jitane pepar,
sammilit kanth se gaate meree keerti amar,
jeevan charitr
likh agralekh athava, chhaapate vishaal chitr.
itana bhee nahin, lakshapati ka bhee yadi kumaar
hota main, shiksha paata arab-samudr-paar,
desh kee neeti ke mere pita param pandit
ekaadhikaar bhee rakhate dhan par, avichal-chit
hote ugratar saamyavaadee, karate prachaar,
chunatee janata raashtrapati unhen hee sunirdhaar,
paise mein das raashtreey geet rachakar unapar
kuchh log bechate ga ga gardabh-mardan-svar,
hindee sammelan bhee na kabhee peechhe ko pag
rakhata ki atal saahity kaheen yah ho dagamag,
main paata khabar taar se tvarit samudr-paar,
laard ke laadalon ko deta daavat—vihaar;
is tarah kharch keval sahasr shat maas maas
poora kar aata laut yogy nij pita paas
vaayuyaan se, bhaarat par rakhata charan-kamal,
patron ke pratinidhi-dal mein mach jaatee halachal,
daudate sabhee, kaimara haath, kahate satvar
nij abhipraay, main sabhy maan jaata jhuk kar,
hota phir khada idhar ko mukh kar kabhee udhar,
beesiyon bhaav kee drshti satat neeche oopar;
phir deta drdh sandesh desh ko marmaantik,
bhaasha ke bina na rahatee any gandh praantik,
jitane roos ke bhaav, main kah jaata asthir,
samajhate vichakshan hee jab ve chhapate phir phir,
phir pitaasang
janata kee seva ka vrat main leta abhang,
karata prachaar
manch par khada ho, saamyavaad itana udaar!
tap tap mastak
ho gaya saandhy nabh ka raktaabh digant-phalak;
kholee aankhen aaturata se, dekha amand
preyasee ke alak se aatee jyon snigdh gandh,
‘aaya hoon main to yahaan akela, raha baith,
socha satvar,
dekha phirakar, ghirakar hansatee upavan-bela
jeevan mein bhar—
yah taap, traas
mastak par lekar uthee atal kee atul saans,
jyon siddhi param
bhedakar karm-jeevan ke dustar klesh, susham
aaee oopar,
jaise paar kar kshaar saagar
apsara sughar
sikt-tan-kesh, shat laharon par
kaampatee vishv ke chakit drshy ke darshan-shar.
bola main—’bela, nahin dhyaan
logon ka jahaan, khilee ho banakar vany gaan!
jab taap prakhar,
laghu pyaale mein atal susheetalata jyon bhar
tum kara rahee ho yah sugandh kee sura paan!
laaj se namr ho utha, chala main aur paas
sahasa bah chalee saandhay vela kee subaataas,
jhuk jhuk, tan tan, phir jhoom jhoom hans hans, jhakor,
chiraparachit chitavan daal, sahaj mukhada maror,
bhar muhurmuhur, tan-gandh vimal bolee bela—
main detee hoon sarvasv, chhuo mat, avahela
kee apanee sthiti kee jo tumane, apavitr sparsh
ho gaya tumhaara, ruko, door se karo darsh.
main ruka vaheen,
vah shikha naval
aalok snigdh bhar dikha gaee path jo ujjaval;
mainne stuti kee—’he vany vanhikee tanvi naval!
kavita mein kahaan khule aise dugdhadhaval dal?—
yah apal sneh,–
vishv ke pranayi-pranayiniyon kar
haar-ur geh?—
gati sahaj mand
yah kahaan kahaan vaamaalakachumbit pulak gandh?
‘keval aapa khoya, khela
is jeevan mein,
kah siharee tan mein van-bela.’
‘koooo koo—oo bolee koyal antim sukh-svar,
‘pee kahaan’ papeeha-priya madhur vish gaee chhahar,
ur badha aayu
pallav-pallav ko hila harit bah gaee vaayu,
laharon mein kamp aur lekar utsuk sarita
tairee, dekhateen tamashcharita
chhabi vela kee nabh kee taaraen nirupamita,
shat-nayan-drshti
vismay mein bhar rahee vividh-aalok-srshti.
bhaav mein hara main, dekh mand hans dee bela,
holee asphut svar se—’yah jeevan ka mela
chamakata sughar baaharee vastuon ko lekar,
tyon tyon aatma kee nidhi paavan banatee patthar.’
bikatee jo kaudeemol
yahaan hogee koee is nirjan mein,
khojo, yadi ho samatol
vahaan koee, vishv ke nagar-ghan mein.
hai vahaan maan,
isaliye bada hai ek, shesh chhote ajaan;
par gyaan jahaan,
dekhana—bade, chhote; aasamaan, samaan vahaan:-
sab suhrdavarg
unakee aankhon kee aabha se digdesh svarg.
bola main—’yahee saty, sundar!
naachateen vrnt par tum, oopar
hota jab upal-prahaar prakhar!
apanee kavita
tum raho ek mere ur mein
apanee chhavi mein shuchi sancharita.
phir ushahkaal
main gaya tahalata hua, bel kee jhuka daal
todata phool koee braahman,
‘jaatee hoon main’, bolee bela,
jeevan priy ke charanon par karane ko arpan:-
dekhatee rahee;
nissvan, prabhaat kee vaayu bahee.
vanabela