loader image

paanee – a poem by Alok Dhanwa

aadamee to aadamee
main to paanee ke baare mein bhee sochata tha
ki paanee ko bhaarat mein basana sikhaoonga

sochata tha
paanee hoga aasaan
poorab jaisa
puaal ke top jaisa
mom kee roshanee jaisa

godhooli mein us paar tak
mushkil se dikhaee dega
aur ek aise desh mein bhatakaayega
jise abhee naqshe mein aana hai

oonchaee par jaakar phool rahee latar
jaise uthatee rahee hava mein naamaaloom gumbad tak
yah mittee ke ghade mein bhara rahega
jab bhee mujhe pyaas lagegee

sharad mein ho jaayega aur bhee patala
saaf aur dheema
kinaare par uge ped kee chhaaya mein

sochata tha
yah sirf shareer ke hee kaam nahin aayega
jo raat hamane naav par jagakar guzaaree
kya us raat paanee
sirf shareer tak aakar lautata raha?

kya-kya basaaya hamane
jab se likhana shuroo kiya?

uzadate hue baar-baar
uzadane ke baare mein likhate hue
pata nahin vaanee ka
kitana nuqasaan kiya

paanee sirf vahee nahin karata
jaisa usase karane ke lie kaha jaata hai
mahaz ek paudhe ko seenchate hue paanee
usakee zara-see zameen ke bheetar bhee
kis tarah jaata hai

kyaat striyon kee aavaazon mein bach rahee hain
paanee kee aavaazen
aur doosaree sab aavaazen kaisee hain?

dukhee aur toote hue hrday mein
sirf paanee kee raat hai
vaheen hai aasha aur vaheen hai
duniya mein phir se laut aane kee akelee raah.

569

Add Comment

By: Alok Dhanwa

© 2022 Pothi | All Rights Reserved

Do not copy, Please support by sharing!