ek kavi sammelan mein
aise shrota mil gae
jinakee krpa se
kaviyon ke kaleje hil gae
ek adhed kavi ne jaise hee gaaya-
“unaka chehara gulaab kya kahie.”
saamane se aavaaz aaee-
“leke aae julaab kya kahie.”
aur kavi jee
julaab ka naam sunate hee
apana pet pakadakar baith gae
doosare kavi ne maik par aate hee
bhoomika banaee-
“na to kavi hoon
na kavita banaata hoon.”
aavaaz aaee-
“to kya bevaqoof banaata hai bhaee.”
kavi ko paseena aa gaya
aur vah ghabaraahat mein
kisee aur ka geet ga gaya-
“jab-jab ghire badariya kaaree
nainan neer jhare.”
aavaaz aaee-“tum bhee kahaan jaakar mare
yah kavita to
lakhanoo vaalee kavayitree kee hai.”
kavi bola-“hamane hee use dee hai.”
aavaaz aaee-“pahale to palla pakadate ho
aur jab haath se nikal jaatee hai
to halla karate ho.”
sanyojak ne sanchaalak se kaha-
“kavita mat sunavao
jisake paas gala hai
usako bulavao.”
gale vaala kavi muskuraaya
aur jaise hee usane namoona dikhaaya-
chatak mhaara champa aaee re root thaaree
koee shrota chillaaya-
“kis lok geet se maaree.”
kavi bola-“hamaaree hai hamaaree
vishvaas na ho to sanchaalak se poochh lo.”
sanchaalak bola-“gao ya mat gao
main jhooth nahin bolata
gavaahee mujhase mat dilavao.”
sanchaalak ne doosare kavi se kaha-
“gopaalajee aap hee aaie
ye shrota roopee kairav
kavita ko nanga kar rahe hain
laaj bachaie.”
gopaalajee jaise hee shuroo hue-
“too hee saaqee
too hee botal
too hee paimaana”
kisee ne poochha-“guroo!
ye kavisammelan hai ya maikhaana.”
kavi bola-“main khaanadaanee kavi hoon
mujhase mat takaraana”
aavaaz aaee-“kya aap ke baap bhee kavi the.”
kavi bola-“jee haan, the
magar aap ye kyon poochh rahe hain.”
uttar mila-“ham aapakee bevaqoofee kee jad dhoondh rahe hain.”
abakee baar-
ek aashukavi ko uthaaya gaya-
usane kaha-“aapane hamen kaee baar suna hai.”
aavaaz aaee-“jee haan aapakee bakavaas sunakar
kaee baar sir dhuna hai”
kavi bola-“sambhalakar bolana
hamaare paas kaleza hai
upar se neeche tak bheja hee bheja hai.”
kisee ne poochha-“aapako kisane bheja hai?”
kavi bola-“ham banaaras mein rahate hain
ras hamaare yahaan hee banate hai.”
uttar mila-“yahaan ke shrota mushkil se banate hai
bakavaas nahin kavita sunate hai.”
kavi bola-“kavita to kavita
ham akhabaar tak ko ga kar padh sakate hain
manch par hee nahin
chhaatee par bhee chadh sakate hai.”
aavaaz aaee -“yaha se daaraasing bhee
aadaasing hokar gae hai.”
kavi bola-“ham daaraasing nahin hain
dudhaaraasing hain
dono taraph dhaar rakhate hain
kavi hokar bhee kaar rakhate hain.”
sanchaalak bola-“bekaar munh mat ladao
kavita ho to sunao.”
kavi ne sanchaalak ko palatakar kaha-
“achchha! hamaaree billee ham se hee myaoon
kavita kya hotee hai sunaoon
sanchaalak mein chhupa hai chaalak
ghusa hua lak chaalak mein.”
koee shrota bola-“kavita chhod ke
kaam keejie
nautankee ya naatak mein.”
kavi haazir javaab tha
doodh kee botal mein sharaab tha
bola-“jee haan!
nautankee ya raamaleela mein kaam karenge
aur aap jaise to chaar bandar
hamaare haath marenge.”
uttar mila-aapakee bagal mein baithe hanumaanajee
hamaaree sahaayata karenge.
aashukavi ke baithate hee
haasy kavi ne mazama lagaaya-
“lo aa gae ham sabha mein
dekhana ab rang aaega
ki raavan ko chataata dhool
ab bajarang aaega.”
kaee shrota ek saath chillae-
“bajarang balee kee jai”
kavi bola-“jai bol lo
ya kavita sun lo.”
uttar mila-“kavita aur aap
mahapaap mahapaap.”
kavi bola-“paap kaho ya baap
main nahin baithoonga
gair uthen teree mahafil se to main baithoon
shaneechar jab chala jaata hai
to itvaar aata hai.”
aavaaz aaee-“is shanivaar ko tel pilaeee
aur itavaar ko bulaie.”
kavi bola main hee itavaar hoon.”
aavaaz aaee-“chhuttee keejie
aur somavaar jee ko aane deejie.”
simavaar jee ne maik par aate hee
mahilaon par drshtee jamaee
aur taee ko modate hue
ek gazal sunaee.”
ek shrota bola-“gala kya hai baansuree hai.”
doosara bola-oopar se neeche tak chhuree hai.”
teesare ne kaha-“vaakee khoob gaata hai.”
chautha bola-“lekin mahilaon ko sunaata hai.”
kavi ne phauran maqata pesh kiya-
“ham daure inqalaab samajhate hain usako mom
khaake zameen ke saath agar kahakashaan chale.”
kisee ne tuk maaree-
“badanaam karake preetam mujh ko kahaan chale.”
kavi ne svar badala-
“roop tumhaara man mein kastooree bo gaya.”
aavaaz aaee-“geet padh rahe ho
ya khetee kar rahe ho.”
kavi baithate hue bola-“aisa risapaans milega
to khetee hee karanee padegee.”
ab vyangyakaar ko pukaara gaya-
nashe ke aasamaan se
zameen par utaara gaya
vyangyakaar ne maik pakadakar
ladakhadaate hue kaha-
“desh ladakhada raha hai, sambhaalo.”
aavaaz aaee-“thodee see aur laga lo.”
kavi bola-“aap mera nahin
hindee saahity ka apamaan kar rahen hain.”
uttar mila-“jee haan, gyaan ka saara aakaash
aap hee ke kandho par tika hai
aur hindee ka saara saahity
aap hee ke naam se bika hai.”
kavi bola-“ham pramaan de sakate hain.”
aavaaz aaee-“kyon nahin,
aap geetaanjali ko pee sakate hain
meghadoot ko kha sakate hain
aur kaamaayanee tak par
ungulee utha sakate hain.”
kavi bola-“hamane dillee se madraas tak
bade-bade mancho ko hilaaya hain.
uttar mila-“ye aur kah do
ki niraala ko god mein khilaaya hai.”
vyangyakaar baithate hue bola-
“are hat, ye bhee koee shrota hain.”
kaee bola-“aap jaiso ke liye sarota hain.”
itanee der baad sanchaalak ko aql aaee
to usane manch par apanee maaya phailaee
kavayitree kee gazal goonjee.
“subah na aaya, shaam na aaya
unaka koee paigaam na aaya.”
aavaaz aaee-“intazaar bekaar hain
postman bimaar hai.”
kavayitree bolee-“shor mat machao
dam hai to manch par aa jao.”
uttar mila-“ikyaavan roopaye loonga.”
sanyojak bola-“bahin jee use rokie
main ek paisa bhee nahin doonga.
vo lokal kavi hai
ikyaavan roopaye mein baavan kavitaen sunaega
aur manch par rakhe hue saare
paan akele kha jaega.”
sanchaalak ne haarakar dheeraj jee ko bulaaya
maik neeche jhukaaya
masanad neeche lagaaya
dheeraj jee bole-“main aa gaya hoon, bajao
taaliyaan bajao.”
kaee aavaaze ek saath aaee-
“pahale kavvaalee sunao”
munh par muththee baandhakar
nazale ko bheetar kheenchate hue
aur daanto ko bheenchate hue
jaise hee dheeraj jee shuru hue-
“chhupe rustam hai qayaamat kee nazar rakhate hain.”
aavaaz aaee-“vhiskee milatee hai kahaan
isakee khabar rakhate hain.”
dheeraj ne kavvaalee rokee
aur sanyojak se bole-
“aap to kah rahe the yahaan nahin milatee.”
sanyojak bola- “vhiskee nahin, tharra milata hai.”
kavivar aish jee aur baagee jee
ek saath bole-“mangava do apun ko chalata hai.”
tabhee sanchaalak ne ghoshana kee-“aa gae, aa gae
kavivar nautankeelaal aa gae
mushkil se aa pae hai
train chhoot gaee
plane se aae hain
dekhie vo aa rahe hain
galat mat samajhiyega
yaatra kee thakaan hai na
iseelie ladakhada rahe hain.”
chamachon se ghire hue
shor machaate
poorab ko pashchim se milaate
aur kraantee ke geet gunagunaate
kavivar nautankeelaal
kaviyon ko daant dikhaakar
janata kee aur ghoom gae
aur maik ko naayika samajhakar
usase jhoom gae
bole-“haan to meree jaan, mere meet
lo, sun lo
meree naee-naee film ka dhaansoo geet
“ar ra ra ra ra ra ra hurr
mere dil ka pinjara chhod ke
ho mat jaana phurr
are re meree son chiraiya.”
aavaaz aaee-“yahaan sab padhe likhe hai bhaiya.”
tabhee koee chillaaya-
“saanp, saanp, saanp.”
aur saara pandaal
ho gaya saaph
kavi sammelan dhvast hone ke pashchaat
kisee kavi ne sanchaalak se poochha-
“kyon guroo! jooton ka kaheen pata hai.”
sanchaalak bola-“jooton ko maaro golee
sanyojak laapata hai.”