loader image

daago, bhaago – a poem by Shail Chaturvedi

dushman
hathiyaar maang laaya daan mein
aa gaya maidaan mein
haath badhaakar dostee ka
chhed dee ladaee
akaaran hee bhaarat par
kar dee chadhaee
to desh ke boodhe aur javaan
panjaabee, marahathe, pathaan
aa gae hosh mein
to ham bhee
bhanabhanaane lage josh mein
sena mein bharatee hone ka
ho aaya chaav
aav dekha na taav
aur patnee ke saamane
rakh diya prastaav
kahane lagee – “kya bolate ho
apane ko sainik se taulate ho
are, bahaaduree hee dikhaanee tha
to shaadee kyon kee
meree barabaadee kyon kee
kya ghar mein ladate-ladate
jee nahin bhara
jo iraada hai
baahar ladane ka
kya phaayada
b.a. tak padhane ka
ladaee mein vo jaate hain
jinaka koee nahin hota
chale bhee gae
to unake lie koee nahin rota
jinako ladana hai lade
hamen nahin ladana
achchha nahin hai
kisee ke beech mein padana.”

magar hamaara josh
jor maar raha tha
kartavy pukaar raha tha
ham bole- “kya kahatee ho
desh par sankat hai
kahaan rahatee ho
dushman
baarood ugal raha hai
himaalay jal raha hai
desh par bijalee kaundh rahee hai
haivaaniyat
insaaniyat ko raund rahee hai
shatru baat-baat par
ade jaata hai
desh par apane chadhe jaata hai
lagaataar badhe jaata hai
baavaree!
yahaan tak aa pahuncha to kya karogee
phir to ladogee
use vaheen rokana achchha hai
dekhatee nahin
jaag gaya desh ka bachcha-bachcha hai.”
ve bolee-“jaanatee hoon
magar tum bachche nahin ho
tumhaare kandhon aur zimmedaaree hai
peechhe paanch bachche hain
ek naaree hai
ghar mein lad lete ho
to kya ye samajhate ho
ki phauj se ladana aasaan hai
isaka bhee kuchh bhaan hai
munh chalaane
aur bandook chalaane mein
antar hai zameen-aasamaan ka
phir kuchh to khayaal karo
aane vaale mehamaan ka
dushman peechhe lag gaya
to bhaagate banega
bandook chalaee hai kabhee
goliyaan daagate banega?
bandook-bandook hai
gulel nahin hai
ladaee, ladaee hai
khel nahin hai.”

hamase na raha gaya
kah diya jo bhee kaha gaya-
“mere pauroosh par shanka karatee ho
mujhe kya samajh rakkha hai
lohe ka chana hoon
tumane samajha, munnaka hai
ki har koee chaba le
aasaanee se daba le
jaanatee ho
skool me n.c.c. lee thee
aur phaayaring bhee kee thee
nishaanebaazee mein inaam paaya tha
paperon mein naam aaya tha.”

ve boleen-“bas-bas rahane do
dekh lee tumhaaree nishaanebaazee
suee me dhaaga daalane ko kaha
to daalana door raha
suee guma dee
us din lakadee faadane ko kaha
to kulhaadee
pair par de maaree thee
aur bailt samajhakar
khoontee se chhadee utaaree thee
c.c. bc(n.c.c nahin) ko
golee maaro
nahao, dhoo
aur daphtar padhaaro.”

itana tagada tark sunakar
bhala kya bolate
na jaane aur kya sunana padata
jo munh kholate
hamane socha-
(ulajhana theek nahin
par svayam ko
kamazor samajhana bhee theek nahin)
bhojan kiya
aur chal diye daphtar ko
tabhee rest haoos ke saamane
phaujee libaas mein
khade dekha padosee akhtar ko
hamaara pauroosh jaag utha
desh ke prati anuraag jaag utha
phaujee kaimp mein ja pahunche
magar maap-taul karane vaale
aphasar ko nahin janche
bola-“kamar chhayaalees hai
aur seena bayaalees
vazan zaroorat se jyaada hai
naujavaan nahin daada hai.”

hamane haath jodakar kaha-
“sipaahee jee,
yah phaujee bharatee hai
ya mis indiya ka chunaav hai
le leejie na
mujhe bada chaav hai.”
vah bola-“bahas mat karo jee
ladana
tumhaare bas kee baat nahin
hamen phauj le jaana hai
baaraat nahin.”

usane aphasar ko dee report
aphasar bahaadur tha
hamako hee kiya support
bola-“saat din pared karega
to shape mein aa jaega
phir kuchh to kaam aaega
hamen ek or
shatru ko peechhe hataana hai
aur doosaree or
desh kee phaalatoo aabaadee ghataana hai
chal nikala to vaar karega
varna dushman kee
das-paanch goliya hee bekaar karega.”

doosare hee kshan
ham phaujee shaan mein the
teesare din
ladaee ke maidaan mein the
goliyaan sanasana rahee theen
danadana rahee theen
havaee jahaaj utar rahe the
chadh rahe the
ham aage badh rahe the
hukm mila-“daago!”
ham samajhe-“bhaago!”
tabhee dhamaaka hua
shaayad bam phoota
hamaaree neend khul gaee
aur svapn toota.

879

Add Comment

By: Shail Chaturvedi

© 2022 Pothi | All Rights Reserved

Do not copy, Please support by sharing!