loader image

nivaala – a poem by Amrita Pritam

jeevan-baala ne kal raat
sapane ka ek nivaala toda
jaane yah khabar kis tarah
aasamaan ke kaanon tak ja pahunchee

bade pankhon ne yah khabar sunee
lambee chonchon ne yah khabar sunee
tez zabaanon ne yah khabar sunee
teekhe naakhoonon ne yah khabar sunee

is nivaale ka badan nanga,
khushaboo kee odhanee phatee huee
man kee ot nahin milee
tan kee ot nahin milee

ek jhapatte mein nivaala chhin gaya,
donon haath zakhmee ho gaye
gaalon par kharaashen aayeen
honton par naakhoonon ke nishaan

munh mein nivaalon kee jagah
nivaale kee baate rah gayeen
aur aasamaan mein kaalee raaten
cheelon kee tarah udane lageen…

687

Add Comment

By: Amrita Pritam

© 2022 Pothi | All Rights Reserved

Do not copy, Please support by sharing!