loader image

ai mere dost! mere ajanabee!

ai mere dost! mere ajanabee!
ek baar achaanak – too aaya
vaqt bilkul hairaan
mere kamare mein khada rah gaya.
saanjh ka sooraj ast hone ko tha,
par na ho saka
aur doobane kee qismat vo bhool-sa gaya…

phir aadi ke niyam ne ek duhaee dee,
aur vaqt ne un khade kshanon ko dekha
aur khidakee ke raaste baahar ko bhaaga…

vah beete aur thahare kshanon kee ghatana –
ab tujhe bhee bada aashchary hota hai
aur mujhe bhee bada aashchary hota hai
aur shaayad vaqt ko bhee
phir vah galatee gavaara nahin

ab sooraj roj vaqt par doob jaata hai
aur andhera roz meree chhaatee mein utar aata hai…

par beete aur thahare kshanon ka ek sach hai –
ab too aur main maanana chaahen ya nahin
yah aur baat hai.
par us din vaqt
jab khidakee ke raaste baahar ko bhaaga
aur us din jo khoon
usake ghutanon se risa
vah khoon meree khidakee ke neeche
abhee tak jama hua hai…

459

Add Comment

By: Amrita Pritam

© 2023 Pothi | All Rights Reserved

Do not copy, Please support by sharing!