jaise soch kee kanghee mein se
ek danda toot gaya
jaise samajh ke kurte ka
ek cheethada ud gaya
jaise aastha kee aankhon mein
ek tinaka chubh gaya
neend ne jaise apane haathon mein
sapane ka jalata koyala pakad liya
naya saal kujh aise aaya…
jaise dil ke fiqare se
ek akshar bujh gaya
jaise vishvaas ke kaagaz par
siyaahee gir gayee
jaise samay ke honto se
ek gaharee saans nikal gayee
aur aadamazaat kee aankhon mein
jaise ek aansoo bhar aaya
naya saal kuchh aise aaya…
jaise ishq kee zabaan par
ek chhaala uth aaya
sabhyata kee baanhon mein se
ek choodee toot gayee
itihaas kee angoothee mein se
ek neelam gir gaya
aur jaise dharatee ne aasamaan ka
ek bada udaas-sa khat padha
naya saal kuchh aise aaya…