loader image

chhaton par ladakiyaan – a poem by Alok Dhanwa

ab bhee
chhaton par aatee hain ladakiyaan
meree zindagee par padatee hain unakee parachhaiyaan.
go ki ladakiyaan aayee hain un ladakon ke lie
jo neeche galiyon mein taash khel rahe hain
naale ke oopar banee seedhiyon par aur
futapaath ke khule chaayakhaanon kee benchon par
chaay pee rahe hain
us ladake ko gher kar
jo bahut meetha baja raha hai mauth organ par
aavaara aur shree 420 kee amar dhunen.

patrikaon kee ek zameen par bichhee dukaan
saamane khade-khade kuchh naujavaan akhabaar bhee padh rahe hain.
unamen sabhee chhaatr nahin hain
kuchh berozagaar hain aur kuchh naukareepesha,
aur kuchh laphange bhee

lekin un sabhee ke khoon mein
intazaar hai ek ladakee ka !
unhen ummeed hai un gharon aur un chhaton se
kisee shaam pyaar aayega !

569

Add Comment

By: Alok Dhanwa

© 2023 Pothi | All Rights Reserved

Do not copy, Please support by sharing!