tum kitanee sundar lagatee ho
jab tum ho jaatee ho udaas !
jyon kisee gulaabee duniya mein soone khandahar ke aasapaas
madabharee chaandanee jagatee ho !
munh par dhank letee ho aanchal
jyon doob rahe ravi par baadal,
ya din-bhar udakar thakee kiran,
so jaatee ho paankhen samet, aanchal mein alas udaasee ban !
do bhoole-bhatake saandhy-vihag, putalee mein kar lete nivaas !
tum kitanee sundar lagatee ho
jab tum ho jaatee ho udaas !
khaare aansoo se dhule gaal
rookhe halake adhakhule baal,
baalon mein ajab sunaharaapan,
jharatee jyon resham kee kiranen, sanjha kee badaree se chhan-chhan !
misaree ke hothon par sookhee kin aramaanon kee vikal pyaas !
tum kitanee sundar lagatee ho
jab tum ho jaatee ho udaas !
bhanvaron kee paanten utar-utar
kaanon mein jhukakar gunagunakar
hain poochh raheen-‘kya baat sakhee ?
unman palakon kee koron mein kyon dabee dhankee barasaat sakhee ?
champee vaksh ko chhookar kyon ud jaatee kesar kee usaans ?
tum kitanee sundar lagatee ho
jyon kisee gulaabee duniya mein soone khandahar ke aasapaas
madabharee chaandanee jagatee ho !