loader image

lakadee ka raavan – a poem by Muktibodh

deekhata
trikon is parvat-shikhar se
anaam, aroop aur anaakaar
aseem ek kuhara,
bhasmeela andhakaar
phaila hai kate-pite pahaadee prasaaron par;
latakatee hain matamailee
oonchee-oonchee laharen
maidaanon par sabhee or

lekin us kuhare se bahut door
oopar uth
parvateey oordhvamukhee nok ek
mukt aur samuttung !!

us shail-shikhar par
khada hua deekhata hai ek dyoh pita bhavy
nihsang
dhyaan-magn brahm…
main hee vah viraat purush hoon
sarv-tantr, svatantr, sat-chit !
mere in anaakaar kandhon par viraajamaan
khada hai suneel
shoony
ravi-chandr-taara-dyuti-mandalon ke pare tak .

donon ham
arthaat
main va shoony
dekh rahe…door…door…door tak
phaila hua
matamailee jadeebhoot paraton ka
lahareela kambal or-chhor-heen
raha dhaank
kandara-guhaon ko, taalon ko
vrkshon ke maidaanee drshyon ke prasaar ko

akasmaat
donon ham
main vah shoony
dekhate ki kambal kee kuhareelee laharen
hil rahee, mud rahee !!
kya yah sach,
kambal ke bheetar hai koee jo
karavat badalata-sa lag raha ?
aandolan ?
nahin, nahin meree hee aankhon ka bhram hai
phir bhee us aar-paar phaile hue
kuhare mein lahareela asanyam !!
haay ! haay !

kya hai yah !! meree hee gaharee usaans mein
kaun-sa hai naya bhaav ?
kramashah
kuhare kee lahareelee salavaten
mud rahee, jud rahee,
aapas mein gunth rahee !!
kya hai yah !!
yar kya mazaak hai,
aroor anaam is
kuhare kee laharon se aganit
kai aakrti-roop
ban rahe, banate-se deekhate !!
kuhareele bhaaph bhare chahare
ashank, asankhy va ugr…
ajeeb hai,
ajeebogareeb hai
ghatana ka mod yah .

achaanak
bheetar ke apane se gira kuchh,
khasa kuchh,
nasen dheelee pad rahee
kamazoree badh rahee; sahasa
aatankit ham sab
abhee tak
samuttung shikharon par rahakar
surakshit ham the
jeevan kee prakaashit keerti ke kram the,
ahan-hunkrti ke hee…yam-niyam the,
ab kya hua yah
duhsah !!
saamane hamaare
ghaneebhoot kuhare ke laksh-mukh
laksh-vaksh, shat-laksh-baahu ye roop, are
lagate hain ghoratar .

jee nahin,
ve sirph kuhara hee nahin hai,
kaale-kaale patthar
va kaale-kaale lohe ke lagate ve log .

haay, haay, kuhare kee ghaneebhoot pratima ya
bharamaaya mera man,
unake ve sthool haath
manamaane balashaalee
lagate hain khataranaak;
jaane-pahachaane-se lagate hain mukh ve .

darata hoon,
unamen se koee, haay
sahasa na chadh jaay
uttung shikhar kee sarvochch sthiti par,
patthar va lohe ke rang ka yah kuhara !

badh na jaayan
chha na jaayan
meree is adviteey
satta ke shikharon par svarnaabh,
hamala na kar baithe khataranaak
kuhare ke janatantree
vaanar ye, nar ye !!
samudaay, bheed
daark maasez ye mob hain,
halachalen gadabad,
neeche the tab tak
faasalon mein khoye hue kaheen door, paar the;
kuhare ke ghane-ghane shyaam prasaar the .
ab yah langoor hain
haay haay
shikharasth mujhako ye chhoo na jaayan !!

aasamaanee shamasheeree, bijaliyon,
meree in bhujaon mein ban jao
brahm-shakti !
puchchhal taaraon,
toot pado baraso
kuhare ke rang vaale vaanaron ke chahare
vikrt, asabhy aur bhrasht hain…
prahaar karo un par,
kar daalo sanhaar !!

are, are !
nabhachumbee shikharon par hamaare
badhate hee ja rahe
ja rahe chadhate
haay, haay,
sab or se ghira hoon .

sab taraf akela,
shikhar par khada hoon .
laksh-mukh daanav-sa, laksh-hast dev sa .
parantu, yah kya
aatm-prateeti bhee dhokha hee de rahee !!
svayan ko hee lagata hoon
baans ke va kaagaz ke putthe ke bane hue
mahaakaay raavan-sa haasyaprad
bhayankar !!

haay, haay,
ugratar ho raha cheharon ka samudaay
aur ki bhaag nahin paata main
hil nahin paata hoon
main mantr-keeli-sa, bhoomi mein gada-sa,
jad khada hoon
ab gira, tab gira
isee pal ki ul pal…

988

Add Comment

© 2022 Pothi | All Rights Reserved

Do not copy, Please support by sharing!