loader image

raat, chalate hain akele hee sitaare

raat, chalate hain akele hee sitaare.
ek nirjan rikt naale ke paas
mainne ek sthal ko khod
mittee ke hare dhele nikaale door
khoda aur
khoda aur
donon haath chalate ja rahe the shakti se bharapoor.
sunaee de rahe the svar –
bade apasvar
ghrnit raatricharon ke kroor.
kaale-se suron mein bolata, sunasaan tha maidaan.
jalatee thee hamaaree laalatain udaas,
ek nirjan rikt naale ke paas.
khud chuka bistar bahut gahara
na dekha kholakar chehara
ki jo apane hrday-sa
pyaar ka tukada
hamaaree zindagee ka ek tukada,
praan ka parichay,
hamaaree aankh-sa apana
vahee chehara zara sikuda
pada tha peet,
apanee mrtyu mein avibheet.
vah nirjeev,
par us par hamaare praan ka adhikaar;
yahaan bhee moh hai anivaar,
yahaan bhee sneh ka adhikaar.

bistar khoob gahara khod,
apanee god se,
rakkha use naram dharatee-god.
phir mittee,
ki phir mittee,
rakhe phir ek-do patthar
udha dee mrttika kee saanvalee chaadar
ham chal pade
lekin bahut hee fikr se phirakar,
ki peechhe dekhakar
man kar liya tha shaant.
apana dhairy prthvee ke hrday mein rakh diya tha.
dhairy prthvee ka hrday mein rakh liya tha.
utanee bhoomi hai chirantan adhikaar mera,
jisakee god mein mainne sulaaya pyaar mera.
aage laalatain udaas,
peechhe, do hamaare paas saathee.
keval pair kee dhvani ke sahaare
raah chalatee ja rahee thee.

784

Add Comment

© 2022 Pothi | All Rights Reserved

Do not copy, Please support by sharing!