akkad-makkad, dhool mein dhakkad,
donon moorakh donon akkhad,
haat se laute, thaat se laute,
ek saath ek baat se laute.
baat-baat mein baat than gaee,
baanh uthee aur moonchh tan gaee,
isane usakee gardan bheenchee,
usane isakee daadhee kheenchee.
ab vah jeeta, ab yah jeeta,
donon ka badh chala phazeeta,
log tamaashaee jo thahare-
sabake khile hue the chehare.
magar ek koee tha phakkad,
mann ka raaja karra-kakkad,
badha bheed ko cheer-chaarakar
bola ‘thaharo’ gala phaadakar.
akkad-makkad dhool mein dhakkad,
donon moorakh donon akkhad,
garjan goonjee rukana pada,
sahee baat par jhukana pada.
usane kaha sahee vaanee mein,
‘doobo chulloo-bhar paanee mein,
taakat ladane mein mat khoo,
chalo bhaee-chaare ko boo.
khaalee sab maidaan pada hai,
aaphat ka shaitaan khada hai,
taakat aise hee mat khoo
chalo bhaee-chaare ko boo.’
sunee moorkhon ne yah baanee,
donon jaise paanee-paanee
ladana chhoda alag hat gae,
log sharm se gale, chhant gae.
sabako naahak ladana akhara,
taakat bhool gaee sab nakhara,
gale mile tab akkad-makkad
khatm ho gaya dhool mein dhakkad!