saal shuroo ho doodh dahee se,
saal khatm ho shakkar ghee se,
piparament, biskit misaree se
rahen labaalab donon kheese.
mast rahen sadakon par khelen,
naachen-kooden gaen-thelen,
oodham karen machaen halla
rahen sukhee bheetar se jee se.
saanjh raat dopahar savera,
sabamen ho mastee ka dera,
kaaten soot banaen kapade
duniya mein kyon dare kisee se.
panchhee geet sunae hamako,
baadal bijalee bhae hamako,
karen dostee ped phool se
lahar-lahar se nadee-nadee se.
aage-peechhe oopar neeche,
rahen hansee kee rekha kheenche,
paas-pados gaanv ghar bastee
pyaar dher bhar karen sabhee se.