pataree aurat lagee mujhe
jisakee chhaatee par chal rahee ho duniya
aur
jisake donon or
rakhe gae hon patthar
taaki vah banee rahe vaisee jaisa use banaaya gaya ho.
pattharon ke lie nahin milee koee upama
patthar bahut saare the.
pataree jaanatee hai yah baat
ki sab guzar jaata hai
jeevan thaharane ke lie bana hee nahin
pataree hotee hai udaas
udaasee ke guzar jaane tak.
ek baar yah samajh lene ke baad
ki sab guzar hee jaana hai ek din
jeevan kitanee hee baar pataree par laute
laute ya na bhee laute
kya farq padata hai.