loader image

dharatee aur bhaar – a poem by Arun Kamal

bhaujee, dol haath mein taange
mat jao nal par paanee bharane
tumhaara dolata hai pet
jhoolata hai andar bandha hua bachcha
galee bahut rukhadee hai
gade hain kankad-patthar
donon haathon se latake hue dol
ab aur tumhen kheenchenge dharatee par
jhor denge deh kee nasen
ukas jaengee haddiyaan
oopar-neeche dolega pet
aur thak jaega baua

bhaiya se bolo baitha den kaheen se
ghar ke aangan mein nal
tum kaise nahaogee sadak ke kinaare
logon ke beech
kaise kis paanv par khadee rah paogee
tum der-der tak
tum kitana jhukogee
deh ko kitana marodogee
ghar ke chhote daravaaze mein
tum phir gir jaogee
kitanee kamazor ho gaee ho tum
jaamun kee daal-see

bhaujee, haath mein dol lie
mat jaana nal par paanee bharane
tum gir jaogee
aur baua…

Add Comment

By: Arun Kamal

© 2021 Pothi | All Rights Reserved

Do not copy, Please support by sharing!