hajaaron ghar, hajaaron cheharon-bhara sunasaan
bolata hai, bolatee hai jis tarah chattaan
salaakhon se chhan rahee hai dopahar kee dhoop
dhoop mein rakha hua hai ek kaala soop
tamatamae hue chehare, khule khaalee haath
dekh lo ve ja rahe hain uthe jarjar maath
shabd saare dhool hain, vyaakaran saare dhong
kis kadar khaamosh hain chalate hue ve log
piyaalee tootee padee hai, gir padee hai chaay
saikil kee chhaanh mein simatee khadee hai gaay
poochhata hai ek chehara doosare se maun
bacha ho saaboot-aisa kahaan hai vah – kaun?
sirph kaua ek mandaraata hua-sa vyarth
samooche maahaul ko kuchh de raha hai arth
chhote shahar kee ek dopahar