loader image

tum aayeen – a poem by Kedarnath Singh

tum aayeen
jaise chheemiyon mein dheere- dheere
aata hai ras
jaise chalate – chalate edee mein
kaanta jae dhans
tum dikheen
jaise koee bachcha
sun raha ho kahaanee
tum hansee
jaise tat par bajata ho paanee
tum hileen
jaise hilatee hai pattee
jaise laalaten ke sheeshe mein
kaanpatee ho battee !
tumane chhua
jaise dhoop mein dheere- dheere
udata hai bhua

aur ant mein
jaise hava pakaatee hai gehoon ke kheton ko
tumane mujhe pakaaya
aur is tarah jaise
daane alagaaye jaate hai bhoose se
tumane mujhe khud se alagaaya.

956

Add Comment

By: Kedarnath Singh

© 2021 Pothi | All Rights Reserved

Do not copy, Please support by sharing!