loader image

padhee likhee ladakiyaan – a poem by Anuradha Ananya

ladakiyaan padh-likh gaee
tamaam sarakaaree yojanaon ne saphalata paee
gairasarakaaree sansthaon ke aankade chamake
pitaon ne puny kamaaya aur
bhaeeyon ne baraabaree ka darja dene kee santushti haasil kee

padhee likhee ladakiyaan
chuka rahee hain qeemat ehasaanon kee
bhugat rahee hain sharten
jo padhaee ke evaz mein rakhee gaee theen

aazaadee ke thode se saal jo jie the hostal mein lee gaee chhoot se unako sahejane kee, jee tod mehanat kee
uchch shiksha lee
taaqi kuchh kamaen dhamaen aur shaadee ke ek do saal aur tal jaen
em e, beeed ladakiyaan byaahee jaatee raheen aur
ek kamaoo gulaam ke haasil par
itarae rahe nikamme poot

kaam aa rahee hain
padhee likhee ladakiyaan
bachchon ko padhaane mein
mahaphilon ko sajaane mein
chamadee galaakar damadee kamaane mein

bhog rahe hain asalee sukh unake hunar ka alag-alag bhoomikaon ke shaasak
ladakiyaan is baat ko bakhoobee samajh rahee hain

aazaadee ka chaska kya hai
bata rahee hain alag-alag peedhiyon ko
aur taiyaar kar rahee hain aazaad naslon ko
tamaam mushkilon ke baavajood
theek vaise hee jaise unhonne padha hai aazaadee ke aandolanon ka itihaas
ve jaan rahee hain
ki kaise rachee jaatee hain yojanaen sangathanon mein kisee mishan ko kaamayaab banaane ke liye.

Add Comment

By: Anuradha Ananya

© 2023 Pothi | All Rights Reserved

Do not copy, Please support by sharing!