loader image

jeevan ko duharaana apavitrata hai

jeevan ko duharaana apavitrata hai

do baar do striyon se kaise kah sakate ho —
‘main tumhen pyaar karata hoon.’ kaise jee sakate ho do baar
jiya hua jeevan ! kaise varan kar sakate ho vahee smrti
dansh kaise sah sakate ho shabd aur arth kee aavrttiyon ka do baar
kaun karata hoga aise asambhav ko sambhav ?
kaun duharaata hoga bhoolee baaton ka anarth
dhvani ke andar baar-baar antardhvani paida karane mein
kaun hota hoga anathak samarth
narak ke aage natamastak kaise koee ho sakata hoga !

nahin so sakata main ajaane bistar par bhram ke
badabad sukh se dobaara sukhee nahin ho sakata .
kaise duharaoonga vahee nishkarm ! itana nirlajj kaise ho sakoonga
nahin de sakoonga apane sambandh ka koee bhee naam
kaun hoon kisee ka main eeshvar, kaun hoon tumhaara main
pita ya pati athava putr, kaise ho sakoonga
nipat kaamaandh
unheen-unheen chhue hue ang-bharttrhari ko kaise chhoo sakoonga
ek se adhik baar . kaise giroonga adh:patan ke nirmam kagaar ke
atal mein sutal-samatal mein . kaise aparichit chitt ko parichit mein dhaaloonga
aisa behaya nahin ho sakoonga
kuchh bhee dubaara kabhee sambhav nahin hai
vaasana bhee nahin
punsatv bhee akarmak sangya hai jeevan mein

jiyo, o logo, purushaarthiyo, jiyo tum .

sadak par chalata hoon duharaane kee ichchha ke saath
sochata hoon nahin hoon kaheen bhee .
vahee ek jeevan hai jisamen main nirbhay hoon
vahee ek jeevan sirf pahalee aur antim baar chala hua
khatm hua, khatm hua, khatm hua
gauravamay, gurraata, nashtapraay
gat asambhoot asambhav
anaavrtt
golaarddh .

699

Add Comment

By: Doodhnath Singh

© 2022 Pothi | All Rights Reserved

Do not copy, Please support by sharing!