loader image

saare kaam nipataakar tumhen yaad karane baitha

saare kaam nipataakar tumhen yaad karane baitha.
fursat hee nahin dete log
tumhaare chehare par nazar tikaee nahin ki koee aa gaya
‘kya kar rahe hain?’
‘kuchh bhee to nahin.’ mainne kaha
choree-chhipe jhaankakar dekh liya, sochata hua—
kaheen isane dekh to nahin liya, main jise dekh raha tha
meree drishti ka anugaman to nahin kiya isane
kahaan se tapak pada mere ekaant mein!
chidachid to huee bheetar lekin sanbhaal liya
band kie dheere se bheetar ke gahare kapaat
chhupa liya tumhen chupachaap
daal die parde bhaaree-bharakam
band kie smaran ke phaile daine dheere-dheere sanbhalakar
utara phir neeche-neeche-neeche
bola phir vihansakar
‘kahie, kaise aa gae bevaqt?’

699

Add Comment

By: Doodhnath Singh

© 2022 Pothi | All Rights Reserved

Do not copy, Please support by sharing!