loader image

khush hona anaitik hai is samaaj mein

khush hona anaitik hai is samaaj mein

apane lie maatr thaur dhoondhana ghor aparaadh hai
bhaarateey dand-sanhita kee koee dhaara honee chaahie baaqaayada
isake lie ghrna aur chhi-chhi ka vidhaan hona chaahie
logon ke dil mein patthar dale hain aur tumhen apanee padee hai vinod jee,
aap aur ham aparaadhiyon kee nikrshtatam koti mein aate hain.
dekhie, vah makkhee haree vaalee-–itanee badee, jo vishtha kee boo se aatee hai
vahee aa rahee hai. hariyaalee nahin hai yah, jise ham-aap nirakh rahe hain
is varsha ritu mein. vidarbh kee vishisht vanaspati kee haree koee pattee nahin hai.

khushee ke lie jagah nahin hai, aatmaghaat ke lie hai, lekin aap to
anant aashaavaan bhikshuk hain is jeevan-samar ke. aap jeene ke lie paida hue hain
jeevan-dhan ke chaury-kram mein param patu hain aap aur ham
kitanee sabhy behayaee se hansate hain hahaas maar chhotee-chhotee nirarthakataon par
kyon hain ham-aap bolie vinod jee!

vah jo lauta jel se–-bina aparaadh ke dhara gaya tha-–aadamee se
prem karane ke kaaran-–vah lauta
lekin jeene laayak nahin chhoda use. haddee kahaan bachee . bhurra hai poora shareer
vah ek chup-chup karaah hai bas-–vah hamaara gret bhattaachaary-–jo kabhee
nahin kahata kuchh. aur aap hain ki bhikshaapaatr duniya ke aage phailaane mein
sharm nahin lagatee aapako
likhane se kya hoga vinod jee,
maangate-jaanchate, bhiksha ka utsav manaate
mar jaenge aap khush hote-hote
is tarah naatak karate-karate
apane tathaakathit ‘chup’ ko bachaate-bachaate
chatur-chutiya baandhate-baandhate narak kee raah mein hain aap.

main to aatmaghaat kee soch raha hoon aise krtrim jeevan se
apane nae-puraane paapon ke lie kaayarataapoorvak.
aneeti kee ek koti yah bhee hai.
achaanak kyon laga-–khush hona anaitik hai is samaaj mein?
jabaki jagah thee ekaant-nirvighn–jaise kamalesh ke lie hai
jo sirf muskuraate hain-–khush nahin hote.

chhotee auqaat hai meree
kshama karie aap kamalesh jee,
aur aap vinod jee,
sabhee vishisht aur saral-samajhadaar jan
sabhee mere bhaee-band
sabhee mere dushman aur dost
sabhee aashcharyachakit shubham
sabhee anupam apaavan
kshama karen
is barraahat ke lie.

875

Add Comment

By: Doodhnath Singh

© 2022 Pothi | All Rights Reserved

Do not copy, Please support by sharing!