praarthana kee ek anadekhee kadee
baandh detee hai, tumhaara man, hamaara man,
phir kisee anajaan aasheervaad mein-doobakar
milatee mujhe raahat badee!
praat sady:snaat kandhon par bikhere kesh
aansuon mein jyon dhula vairaagy ka sandesh
choomatee rah-rah badan ko archana kee dhoop
yah saral nishkaam pooja-sa tumhaara roop
jee sakoonga sau janam andhiyaariyon mein,
yadi mujhe milatee rahe
kaale tamas kee chhaanh mein
jyoti kee yah ek ati paavan ghadee!
praarthana kee ek anadekhee kadee!
charan ve jo lakshy tak chalane nahin paaye
ve samarpan jo na hothon tak kabhee aaye
kaamanaen ve nahin jo ho sakeen pooree-
ghutan, akulaahat, vivashata, dard, majabooree-
janm-janmon kee adhooree saadhana,
poorn hotee hai kisee madhu-devata kee baanh mein!
zindagee mein jo sada jhoothee padee-
praarthana kee ek anadekhee kadee!