loader image

vismriti – a poem by Kumar Ambuj

pita ke lie

ek din gaddamadd hone lagatee hain cheezen, kriyaen,
naam, chehare aur suparichitataen
phir tum smriti ka peechha karate ho
jaise bachapan kee us nadee ka jo ab nichud gaee hai
aur haanphate hue samajhane kee koshish karate ho
ki vismriti hee antim abhishaap hai ya koee varadaan

kuchh yaad karana chaahate ho to ek parachhaeen-see dikhatee hai
jo vileen ho jaatee hai kisee doosaree parachhaeen mein
is anubhav ke aage saare dukh pheeke hain aur beet chuke hain
door kaheen tum unakee taraf dekhakar muskara sakate ho
lekin unake mukhade yaad nahin aate
yahee asahaayata hai, itanee hee shesh rah gaee hai taaqat

eershyaen yaad nahin aa raheen, krodh ke soory astaachal hue
prem ke chandrama doob gae, vaasanaen jaaree hain
jaane kaise bachee rah gaee hai sparsh kee aadim smriti
kisee ko na pahachaanane se ab koee apamaanit nahin hota
agar pahachaan lo to vah apratim khushee se bhar jaata hai

koree ho chalee slet par likhee ja rahee hain naee ibaaraten
aur sabak hain ki yaad nahin rah paate.

953
By: Kumar Ambuj

© 2023 Pothi | All Rights Reserved

Do not copy, Please support by sharing!