loader image

isalie aasha – a poem by Kumar Ambuj

sakht sardiyaan dheere-dheere daakhil ho hee jaatee hain phaalgun mein
shanivaar munder pakadakar kood jaata hai itavaar ke maidaan mein
ek drishy kee dhundh mein se prakat hota hai ek kam dhundhala drishy

kabhee vismay kee tarah, kabhee mahaj vishayaantar

anubhav ka aasara yah hai ki dhool aur loo bhee
aakhir baarish mein ghul jaatee hai
aur baarish sharad kee taaron bharee raat mein

netraheen kahata hai main dhvani se
aur smriti se dekhane kee koshish karata hoon

aur patton mein hava guzarane kee aavaaz se
pukaar leta hoon vrikshon ke naam.

isalie aasha

758
By: Kumar Ambuj

© 2022 Pothi | All Rights Reserved

Do not copy, Please support by sharing!