loader image

prem ka sauda – a poem by Dinkar

saty ka jisake hrday mein pyaar ho,
ek path, bali ke lie taiyaar ho.

phoonk de soche bina sansaar ko,
tod de manjhadhaar ja patavaar ko.

kuchh naee paida ragon mein jaan kare,
kuchh ajab paida naya toophaan kare.

haan, naeen duniya gadhe apane lie,
rain-din jaage madhur sapane lie.

be-saro-saamaan rahe, kuchh gam nahin,
kuchh nahin jisako, use kuchh kam nahin.

prem ka sauda bada anamol re!
nihsv ho, yah moh-bandhan khol re!

mil gaya to praan mein ras ghol re!
pee chuka to mook ho, mat bol re!

prem ka bhee kya manoram desh hai!
jee utha, jisakee jalan nihshesh hai.

jal gae jo-jo lipat angaar se,
chaand ban ve hee uge phir kshaar se.

prem kee duniya badee oonchee basee,
chadh saka aakaash par virala yashee.

haan, shirish ke tantu ka sopaan hai,
bhaar ka panthee! tumhen kuchh gyaan hai?

hai tumhen paathey ka kuchh dhyaan bhee?
saath jalane ka liya saamaan bhee?

bin mite, jal-jal bina halaka bane,
ek pad rakhana kathin hai saamane.

prem ka unmaad jin-jin ko chadha,
mit gae utana, nasha jitana badha.

mar-mito, yah prem ka shrngaar hai.
bekhudee is desh mein tyohaar hai.

khojate -hee-khojate jo kho gaya,
chaah thee jisakee, vahee khud ho gaya.

jaanatee antarjalan kya kar nahin?
daah se aaraadhy bhee sundar nahin.

‘prem kee jay’ bol pag-pag par mito,
bhay nahin, aaraadhy ke mag par mito.

haan, maja tab hai ki him rah-rah gale,
vedana har gaanth par dheere jale.

ek din dhadhako nahin, til-til jalo,
nity kuchh mitate hue badhate chalo.

poornata par aa chuka jab naash ho,
jaan lo, aaraadhy ke tum paas ho.

aag se maaliny jab dhul jaayaga,
ek din parada svayan khul jaayaga.

aah! ab bhee to na jag ko gyaan hai,
prem ko samajhe hue aasaan hai.

phool jo khilata praly kee god mein,
dhoondhate phirate use ham mod mein.

bin bindhe kaliyaan huee hiy-haar kya?
kar saka koee sukhee ho pyaar kya?

prem-ras peekar jiya jaata nahin.
pyaar bhee jeekar kiya jaata kaheen?

mil sake nij ko mita jo raakh mein,
veer aisa ek koee laakh mein.

bhent mein jeevan nahin to kya diya?
pyaar dil se hee kiya to kya kiya?

chaahie ur-saath jeevan-daan bhee,
prem kee teeka saral balidaan hee.

1935

379

Add Comment

© 2022 Pothi | All Rights Reserved

Do not copy, Please support by sharing!