loader image

jise dhahaaya nahin ja saka

jise tumane sachamuch golee maar hee dee thee
vah ab bhee musakaraata hai tumhaare saamane deevaar par
tumhaare chhaapekhaane usee kee tasveer chhaapate hain
tum doosare dveep mein bhee jaate ho to log tumase pahale
usake samaachaar poochhate hain tab lagata hai tumhen
ki darasal tum mare hue ho aur vah zinda hai

budabudaate hue ho sakata hai tum gaalee dete ho mann mein
lekin haath jodakar phool chadhaate ho aur photoo khinchaate ho
tum shapath lete ho vah saamane haath uthae dikhata hai
tum jhooth bolate ho vah tumhaare aade aa jaata hai
ghoshanaapatr mein tum vivash doharaate ho usee kee ghoshanaen

ab tumane dhaha dee hai usakee moorti to dekho
sab taraf saare savaal usee moorti ke baare mein ho rahe hain
baar-baar dikhaee ja rahee hain usee moorti kee tasveeren
usee chauraahe par ikattha hone lage hain tamaam paryatak
jinhen bataaya jaata hai ki yahaan, yaheen, haan, isee jagah,
vah moorti thee.

789
By: Kumar Ambuj

© 2022 Pothi | All Rights Reserved

Do not copy, Please support by sharing!