loader image

koyal – a poem by Subhadra Kumari Chauhan

dekho koyal kaalee hai par
meethee hai isakee bolee
isane hee to kook kook kar
aamon mein mishree gholee

koyal koyal sach batalaana
kya sandesa laayee ho
bahut dinon ke baad aaj phir
is daalee par aaee ho

kya gaatee ho kise bulaatee
batala do koyal raanee
pyaasee dharatee dekh maangatee
ho kya meghon se paanee?

koyal yah mithaas kya tumane
apanee maan se paayee hai?
maa ne hee kya tumako meethee
bolee yah sikhalaayee hai?

daal daal par udana gaana
jisane tumhen sikhaaya hai
sabase meethe meethe bolo
yah bhee tumhen bataaya hai

bahut bhalee ho tumane maa kee
baat sada hee hai maanee
iseeliye to tum kahalaatee
ho sab chidiyon kee raanee

456

Add Comment

© 2023 Pothi | All Rights Reserved

Do not copy, Please support by sharing!