ik shahanshaah ne banava ke haseen taaj-mahal
saaree duniya ko mohabbat kee nishaanee dee hai
main bataoon farq naaseh jo hai mujh mein aur tujh mein
miree zindagee talaatum tiree zindagee kinaara
koee dilakash nazaara ho koee dilachasp manzar ho
tabeeat khud bahal jaatee hai bahalaee nahin jaatee
zindagee aa tujhe qaatil ke havaale kar doon
mujh se ab khoon-e-tamanna nahin dekha jaata
sidaq-o-safa-e-qalb se maharoom hai hayaat
karate hain bandagee bhee jahannam ke dar se ham
badalatee ja rahee hai dil kee duniya
nae dastoor hote ja rahe hain
utha jo meena-ba-dast saaqee rahee na kuchh taab-e-zabt baaqee
tamaam may-kash pukaar uththe yahaan se pahale yahaan se pahale
kitanee dil-kash hain tiree tasveer kee raanaiyaan
lekin ai parda-nasheen tasveer phir tasveer hai
nazar-navaaz nazaaron mein jee nahin lagata
vo kya gae ki bahaaron mein jee nahin lagata
tujh se baraham hoon kabhee khud se khafa
kuchh ajab raftaar hai tere bagair