loader image

mere jeevan kee – a poem by Muktibodh

mere jeevan kee dharm tumhee–
yadyapi paalan mein rahee chook
he marm-sparshinee aatmeeye!

maidaan-dhoop mein–
anyamanaska ek aur
simatee chhaaya-sa udaaseen
rahata-sa dikhata hoon yadyapi khoya-khoya
nij mein dooba-sa bhoola-sa
lekin main raha ghoomata bhee
kar apane antar mein dhaaran
prajjvalit gyaan ka vikshobhee
vyaapak din aag baboola-sa
main yadyapi bhoola-bhoola sa
jyon baatacheet ke shabd-shor mein ek vaaky
anabola-sa!
mere jeevan kee tumhee dharm
(main sach kah doon–
yadyapi paalan mein chook rahee)
naaraaz na ho sampann karo
yah agni-vidhaayak praan-karm
he marm-sparshinee sahachaarini!

tha yadyapi bhoola-bhoola sa
par ek kendr kee tejasvee anvesh-lakshy
aankhon se ur mein laakhon ko
ankit karata taulata raha
maapata raha
aadhunik hansee ke sabhy chaand ka shvet vaksh
khojata raha us ek vishv
ke saare parvat-guha-gart
mainne prakaash-chaadar kee maapee us par peelee giree part
us ek kendr kee aankhon se dekhe mainne
ek se doosare mein ghusakar
aadhunik bhavan ke sabhee kaksh
us ek kendr ke hee sammukh
main hoon vinamr-antar nat-mukh
jyon lakshy phool-patton vaalee vrksh kee shaakh
aaj bhee tumhaare vaataayaan mein rahee jhaank
sukh phailee meethee chhaayaon ke sau sukh!

mere jeevan ka tumhee dharm
yadyapi paalan mein rahee chook
he marm-sparshinee aatmeeye!
sach hai ki tumhaare chhoh bharee
vyaktitvamayee gaharee chhaanhon se bahut door
main raha videshon mein khoya path-bhoola sa
an-khola hee
vaksh par raha lauh-kavach
baahar ke hraas manomay lobhon laabhon se
hiy raha anaahat spandan sach,
ye praan rahe durbhedy athak
aadhunik moh ke amit roop amitaabhon se.

659

Add Comment

© 2021 Pothi | All Rights Reserved

Do not copy, Please support by sharing!