agar mainne kisee ke hoth ke paatal kabhee choome
agar mainne kisee ke nain ke baadal kabhee choome
mahaj isase kisee ka pyaar mujhako paap kaise ho?
mahaj isase kisee ka svarg mujh par shaap kaise ho?
tumhaara man agar seenchoon
gulaabee tan agar seenchoon taral malayaj jhakoron se!
tumhaara chitr kheenchoon pyaas ke rangeen doron se
kalee-sa tan, kiran-sa man, shithil satarangiya aanchal
usee mein khil paden yadi bhool se kuchh hoth ke paatal
kisee ke hoth par jhuk jaen kachche nain ke baadal
mahaj isase kisee ka pyaar mujh par paap kaise ho?
mahaj isase kisee ka svarg mujh par shaap kaise ho?
kisee kee god mein sir dhar
ghata ghanaghor bikharaakar, agar vishvaas ho jae
dhadakate vaksh par mera agar astitv kho jae?
na ho yah vaasana to zindagee kee maap kaise ho?
kisee ke roop ka sammaan mujh par paap kaise ho?
nason ka reshamee toofaan mujh par shaap kaise ho?
kisee kee saans main chun doon
kisee ke hoth par bun doon agar angoor kee parten
pranay mein nibh nahin paateen kabhee is taur kee sharten
yahaan to har qadam par svarg kee pagadandiyaan ghoomeen
agar mainne kisee kee madabharee angadaiyaan choomeen
agar mainne kisee kee saans kee puravaiyaan choomeen
mahaj isase kisee ka pyaar mujh par paap kaise ho?
mahaj isase kisee ka svarg mujh par shaap kaise ho?
gunaah ka geet