aaj divy hua morning walk
ek taraf se azim prem jee aa rahe the
doosaree or se infosys ke moorti naaraayan
aur teesaree taraf se main
teenon mile sheshaadriyaiyya paark mein
main apane svaasthy ke liye chintit tha
ve donon adhyaatm, investment
aur desh ke lie chintit the
kaafee gareebee is desh kee kam kar dee hai hamane
ise silicon mein tabdeel karana hee hai
vok karate-karate haath oopar-neeche karate
azim prem jee ne faramaaya
paark ke kinaare baithe kaee bhikhaaree, kuchh mavaalee
aise muskura rahe the, jaise ve hamen munh chidha rahe hon
usee vaqt silicon valley ke is paark kee sadak
par bilabilaate anek kutte haanv-haanv karane lage
na jaane kya kuchh ghatit hua
main kuchh samajh na paaya
naaraayan moortti zor se chillae hariom
aur haaa- haaa kar zor se hansane lage
shaayad yah bhee ek shaareerik abhyaas tha
chintit the naaraayan moortti
kaise is desh mein aur zyaada
investment badhaaya jae
software industry mein koee shramik to hota nahin
bhale hee kisee ko chaar hazaar maahavaar mile
kisee ko chaar laakh
sochana yah hai ki inake lie kaise zyaada public
facility provide kee jae
lenin to kar nahin pae
hamane klintan aur obaama ke saath milakar
baraabaree aur samaajavaad laane kee
disha mein kaafee taraqqee kee hai .
tabhee dikh gae shree-shree ravishankar
safed kapadon mein buddh kee tarah muskaate
ajeem prem jee ne unase haath milaaya
shree-shree art of living
ke saare niyam tod unake
kaan mein kuchh phusaphusae
main un phusaphusaahaton ka matalab dhoondh hee raha tha
tabhee raam guha dikh gae paark mein
kabootaron ko daana khilaate
raam ne mujhase halake se kaha
softaveyar ke in shramikon ke lie
naya naam dhoondhana hoga
ham aur raam baat kar hee rahe the
ki ek ped ke neeche devagauda bellaaree ke kisaanon ko prateek mein badal
apane poket par lagae
baalon ka jhadana rokane ke lie
baba raamadev ke patanjali yog niyam ke anusaar
apane naakhoonon ko ragadate ja rahe the
aur uchhalate ja rahe the
aaj divy hua morning walk
jaise ek taraf indr chal rahe hon
doosaree taraf kuber
aur ham saath-saath
morning walk kar rahe hon .