kaee apekshaen theen aur kaee baaten honee theen
ek raat ke garbh mein subah ko hona tha
ek aurat ke pet se duniya badalane ka bhavishy lie
ek baalak ko janm lena tha
ek chidiya mein jaganee thee badee udaan kee mahattvaakaankshaen
ek patthar mein na jhukane vaale pratirodh ko aur balavatee hona tha
nadee ke paanee ko kuchh aur jiddee hona tha
kheton mein pakate anaaj ko samaaj ke sabase antim aadamee tak
pahunchaane ka sapana dekhana tha
par kuchh nahin hua
raat ke garbh mein subah ke hone ka bhram hua
aurat ke pet se vaisa baalak paida na hua
na janmee chidiya ke bheetar vaisee mahattvaakaankshaen
na patthar mein us koti ka pratirodh panap saka
nadee ke paanee mein jidd to kaheen dikhee hee nahin
khet mein pakate anaajon ka
beech mein hee toot gaya sapana
ab kya rah gaya apana.