loader image

bhalee see ek shakl thee

bhale dinon kee baat hai
bhalee see ek shakl thee
na ye ki husn-e-taam ho
na dekhane mein aam-see
na ye ki vo chale to kahakashaan see rahaguzar lage
magar vo saath ho to phir bhala-bhala safar lage

koee bhee rut ho usakee chhab
faza ka rang-roop thee
vo garmiyon kee chhaanv thee
vo sardiyon kee dhoop thee

na muddaton juda rahe
na saath subh-o-shaam ho
na rishta-e-vafa pe zid
na ye ki izn-e-aam ho

na aisee khush-libaasiyaan
ki saadagee gila kare
na itanee be-takallufee
ki aaina haya kare

na ikhtilaat mein vo ram
ki bad-maza hon khvaahishen
na is qadar supurdagee
ki zach karen navaazishen

na aashiqee junoon kee
ki zindagee azaab ho
na is qadar kathorapan
ki dostee kharaab ho

kabhee to baat bhee khafee
kabhee sukoot bhee sukhan
kabhee to kisht-e-zaafaraan
kabhee udaasiyon ka ban

suna hai ek umr hai
muaamalaat-e-dil kee bhee
visaal-e-jaan-faza to kya
firaaq-e-jaan-gusil kee bhee

so ek roz kya hua
vafa pe bahas chhid gaee
main ishq ko amar kahoon
vo meree zid se chid gaee

main ishq ka aseer tha
vo ishq ko qafas kahe
ki umr bhar ke saath ko
vo badatar-az-havas kahe

shajar hajar nahin ki ham
hamesha pa-ba-gil rahen
na dhor hain ki rassiyaan
gale mein mustaqil rahen

mohabbaton kee vusaten
hamaare dast-o-pa mein hain
bas ek dar se nisbaten
sagaan-e-ba-vafa mein hain

main koee penting nahin
ki ik frem mein rahoon
vahee jo man ka meet ho
usee ke prem mein rahoon

tumhaaree soch jo bhee ho
main us mizaaj kee nahin
mujhe vafa se bair hai
ye baat aaj kee nahin

na usako mujh pe maan tha
na mujhako us pe zom hee
jo ahad hee koee na ho
to kya gam-e-shikastagee

so apana-apana raasta
hansee-khushee badal diya
vo apanee raah chal padee
main apanee raah chal diya

bhalee-see ek shakl thee
bhalee-see usakee dostee
ab usakee yaad raat-din
nahin, magar kabhee-kabhee…

Add Comment

By: Ahmad Faraz

© 2021 Pothi | All Rights Reserved

Do not copy, Please support by sharing!