loader image

kya inaka koee arth nahin

ye shaamen, sab kee sab shaamen…
jinamen mainne ghabara kar tumako yaad kiya
jinamen pyaasee seepee-sa bhataka vikal hiya
jaane kis aane vaale kee pratyaasha mein
ye shaamen
kya inaka koee arth nahin?

ve lamhe
ve soonepan ke lamhe
jab mainne apanee parachhaee se baaten kee
dukh se ve saaree veenaen phekeen
jinamen ab koee bhee svar na rahe
ve lamhe
kya inaka koee arth nahin?

ve ghadiyaan, ve behad bhaaree-bhaaree ghadiyaan
jab mujhako phir ehasaas hua
arpit hone ke atirikt koee raah nahin
jab mainne jhukakar phir maathe se panth chhua
phir beenee gat-paag-noopur kee maniyaan
ve ghadiyaan
kya inaka koee arth nahin?

ye ghadiyaan, ye shaamen, ye lamahen
jo man par kohare se jame rahe
nirmit hone ke kram mein
kya inaka koee arth nahin?

jaane kyon koee mujhase kahata
man mein kuchh aisa bhee rahata
jisako chhoo lene vaalee har peeda
jeevan mein phir jaatee vyarth nahin
arpit hai pooja ke phoolon-sa jisaka man
anajaane dukh kar jaata usaka parimaarjan
apane se baahar kee vyaapak sachchaee ko
nat-mastak hokar vah kar leta sahaj grahan
ve sab ban jaate pooja geeton kee kadiyaan
yah peeda, yah kuntha, ye shaamen, ye ghadiyaan
inamen se kya hai
jinaka koee arth nahin!

kuchh bhee to vyarth nahin!

433

Add Comment

By: Dharamveer Bharti

© 2021 Pothi | All Rights Reserved

Do not copy, Please support by sharing!