loader image

tum ek achchhee premika banana!

meree saaree bekaar kee baaton mein
sabase gair zarooree tha use kahana
ki bahut yaad aa rahe ho tum
baat karane ka dil hai tumase
raat ke theek saadhe baarah baje
jab usane kaha ki
abhee use neend aa rahee hai
kal baat karenge

***

vah loodo aur ches mein kaafee chaalaak tha
isase proov hota hai ki
vo dimaag ka tez ladaka hai
us ladakee ko laga ki in baaton ke maayane nahin
prem to dil kee shai hai!

***

prem ko to mar jaana chaahie tha usee roz
jab usane vaqt liya tha sochane ke lie
ki ab is rishte ko aage rakhana hai ya nahin
lekin prem kuchh aur saanson ke laalach mein
zinda rahakar tadap-tadap ke mara

***

use raat ko sona nahin pasand
vo raat ko jaagakar mahasoos karatee
ki kitanee akelee hai vo
is vaqt chaahe kitanee bhee baichainee ho
dukaanen band hain, sadaken khaalee hain
din bhar ka thaka mahaboob
fon sailent kar so raha hai

***

usane kaha ki main tumhen kuchh na de sakoonga
siva prem ke
ladakee ne bhaaree mol dekar prem lena tay kiya
is baat mein saath hone ka koee vaada shaamil na tha
tarms end kandeeshans aplaid kee tarah
vo ladakee thagee ja chukee thee

***

usane saaf-saaf nahin kaha tha ki
mujhe chhodakar chalee jao
usane bas itana kaha ki
vah ek ‘haippee sol’ rahana chaahata hai
gamon se bharee ladakee ke lie
ye ishaara kaafee tha

***

prem mein deh ek samarpan hai
shaadee ek bahut hee alag masala hai
vo kaisee poorv premika thee usakee
jo us par deh tak na luta sakee
tum ek achchhee premika banana!

***

naakhoon ke tootane par use zara bhee dard na hua
use chubha ki itane dinon tak
vah bevajah naakhoon badhaatee rahee
usase alag hote vaqt bhee kuchh aisa hee mahasoos hua use

***

use is desh kee siyaasat se nafarat thee
use kisee aur desh kee naagarikata chaahie thee
arab, eeraan ya paakistaan, kisee kee bhee
apanee premika ke chhodakar chale jaane ke baad
usane mujhase ishq ka izahaar kiya tha.

789

Add Comment

By: Ekta Nahar

© 2022 Pothi | All Rights Reserved

Do not copy, Please support by sharing!